Վարանդայի շրջանում փրկարարները տարհանել են ևս 3 աճյուն
Աջակցիր «Ա1+»-ինՎարանդայի (Ֆիզուլի) շրջանում այսօր իրականացված որոնողական աշխատանքների ընթացքում փրկարարները տարհանել են ևս 3 աճյուն: Այս մասին հայտնում են ԱՀ ԱԻՊԾ-ից:
Այսպես, 2020 թվականի նոյեմբերի 13-ից մինչև 2021 թվականի հունիսի 21-ը ներառյալ՝ Ադրբեջանի կողմից բռնազավթված տարածքներից հայտնաբերվել և տարհանվել է 1583 աճյուն, որից 27-ը նախնական տվյալներով՝ քաղաքացիական անձինք են:
Մատաղիսի ուղղությունից հայտնաբերվել է ևս մեկ հայ զինծառայողի աճյուն, ավելի ուշ հայտնել է Արցախի ԱԻՊԾ-ն։
Այսօր՝ հունիսի 28-ին, Մարտակերտի շրջանի՝ Ադրբեջանի վերահսկողության տակ անցած տարածքներում իրականացված որոնողական աշխատանքների ընթացքում, Մատաղիսի հատվածում հայտնաբերվել և տարհանվել է ևս մեկ հայ զինծառայողի աճյուն:
Արցախի ԱԻՊԾ-ն տեղեկացնում է, որ նրա ինքնությունը կհաստատվի դատաբժշկական փորձաքննությունից հետո:
Որոնումները կշարունակվեն նաև առաջիկա օրերին: Ուղղությունների և արդյունքների մասին ԱԻ պետական ծառայությունը կտրամադրի հավելյալ տեղեկատվություն:
Զինադադարից հետո Արցախի կորուսյալ տարածքներում իրականացված որոնումների արդյունքում մինչ այսօր հայտնաբերվել է 1586 աճյուն:
