Մեր ռազմական օբյեկտները պատշաճ քողարկված չէին, անգամ տեղանքի քարտեզ չենք ունեցել․ Ալեքսան Մինասյան (տեսանյութ)
Աջակցիր «Ա1+»-ին«Վերելք» կուսակցության ղեկավար Ալեքսան Մինասյանն ասում է, որ Արցախյան պատերազմում պարտվեցինք, քանի որ մեր զինվորականները չունեին ռազմական գիտելիքներ։ Օրինակ, բանակը չուներ տեղանքի քարտեզները կամ բավարար քանակի քողարկման ցանցեր, և հայկական ռազմական օբյեկտների, զինտեխնիկայի մի մասը պատշաճ քողարկված չի եղել։ Նա ասում է, որ Անգամ ՀՕՊ-լավ քողարկված չի եղել, դրա համար էլ թշնամին առաջինը հենց դրանք է ոչնչացրել։ «Մարտարվեստում քողարկումը շատ կարևոր է, եթե քողարկված չես, ուրեմն բացահայտված ես»,- ասում է Ա․Մինասյանը։
Վերջինս նաև ընդգծում է, որ չենք ունեցել պատշաճ կերպով կառուցված խրամուղիներ, հաշվարկել է, որ 1 մետր խրամուղու կառուցման համար անհրաժեշտ է մոտ 22 հազար դրամ, և Հայաստանն ունի 930 կմ սահման, որտեղ պետք է նման ինժեներատեխնիկական աշխատանքներ իրականացնել։
Ա․Մինասյանը համարում է, որ բանակին հատկացված գումարների փոշիացումն է պատճառը, որ Հայաստանը պատերազմին պատրաստ չի եղել։ «Չերչիլն ասում էր՝ «չեք ծախսի բանակի վրա, կծախսեք գերեզմանների վրա»,- հավելեց նա։
Չի արվել, ըստ իս՝ կոռուպցիան է շատ եղել։ Փոշիացվել է և դա 30 տարի շարունակվել է։
Մանրամասները՝ տեսանյութում