Մայրաքաղաքի կանգառասրահները փոխարինվում են նորերով

Երևանի քաղաքապետարանի և մասնավոր կազմակերպության համագործակցությամբ փոխարինվում են քաղաքի կանգառասրահները։ Այս մասին հայտնում են Երևանի քաղաքապետարանից։

Անցած հանգստյան օրերին նոր կանգառասրահներ են տեղադրվել Տիգրան Մեծ պողոտայի՝ Սուրբ Գրիգոր Լուսավորիչ Մայր տաճարի դիմացի և Աբովյան փողոցի՝ մետրոյի «Երիտասարդական» կայարանի հարակից հատվածներում: