Բագրատաշեն-Սադախլո անցակետի հետ մեկտեղ՝ կգործի նաև Բավրա-Նինոծմինդա անցակետը

Որոշում է կայացվել, որ քաղաքացիների տեղաշարժի համար հայ-վրացական Բագրատաշեն-Սադախլո անցակետի հետ մեկտեղ կգործի նաև Բավրա-Նինոծմինդա անցակետը։ Այս մասին հայտարարություն է տարածել Վրաստանում ՀՀ դեսպանությունը:

Ավելի վաղ հայտնել էինք, որ դեսպանությունը հայտարարել էր՝ քաղաքացիների տեղաշարժի համար հայ-վրացական սահմանային անցակետերից դեռևս բաց կլինի միայն Բագրատաշեն-Սադախլո անցակետը։

Անցակետերը բաց են ամեն օր, ժամը՝ 10։00-20։00 ընկած ժամանակահատվածում։