Բացել լրահոսը Փակել լրահոսը
AA7DFFC9-CE58-43C8-AA33-CED8BD97366A_cx0_cy6_cw0_w1023_r1_s
A A
Քաղաքականություն

Ամերիկյան նավը նախազգուշական կրակ է արձակել իրանական նավերի ուղղությամբ

Ամերիկայի Ձայն

Դեպքը տեղի է ունեցել Հորմուզի նեղուցում

ԱՄՆ ռազմածովային անվտանգության ուժերի նավը մոտ 30 նախազգուշական կրակոց արձակեց, երբ Հորմուզի նեղուցում Իրանի հեղափոխության պահապանների կորպուսի արագագնացների մի մեծ խումբ մոտեցավ ամերիկյան նավերրին:

Այս մասին հայտարարել է Պենտագոնը:

Պենտագոնի խոսնակ Ջոն Քիրբին ասել է, որ առափնյա պահպանության ՛՛Մաուի՛՛ նավը 50-րդ տրամաչափի գնդացիրից կրակ է արձակել, երբ իրանական 13 արագագնաց նավեր փորձել են մոտենալ ԱՄՆ վեց նավերին, այդ թվում ՝ Ջորջիա սուզանավին:

՛՛Մաուի՛՛-ին կրակ արձագեց առաջին կրակոցը, երբ իրանական արագագնաց նավերը մոտեցան մոտ 280 մետր տարածության վրա, իսկ երկրորդը՝ երբ տարածությունը կրճատվեց մինչև 140 մետր: Այնուհետև, իրանական նավերը հեռացան, հայտնել է Քիրբին:

Միջադեպին նախորդել էր մի քանի օր առաջ Միացյալ Նահանգների կողմից Իրանից Եմենում հութի ապստամբներին փոխանցվող զենքերի մեծ խմբաքանակի բռնագրավումը Արաբական ծովի հյուսիսում: