Բացել լրահոսը Փակել լրահոսը
182851784_2873013729638516_2464230241006479718_n
A A
Պաշտոնական

Վնասվածքաբան-օրթոպեդներն Արցախում կատարել են 35 վիրահատություն

Ռուսաստանի Դաշնությունից ժամանած վնասվածքաբան-օրթոպեդները և «Էրեբունի» բժշկական կենտրոնի վնասվածքաբան-օրթոպեդ Գագիկ Բդոյանը  օրերս Հանրապետական բժշկական կենտրոնում Արցախի մասնագետների հետ  կատարել են անվճար վիրահատություններ:
Կոնքազդրային հոդի բարդ վիրահատական միջամտության համար 20 էնդոպրոթեզները ձեռք են բերվել ռուսաստանաբնակ բարերար, մեր  հայրենակից Էդգար Ադամյանի հովանավորությամբ:

Վնասվածքաբան-օրթոպեդները կատարել են 35 վիրահատություն՝ կոնքազդրային հոդի և ծնկահոդի էնդոպրոթեզավորում, ծնկան և ուսային հոդի արթրոսկոպիա:

Նախապես անցկացված խորհրդատվությունների միջոցով ընտրվել են համապատասխան հիվանդները: 

 Ռուսաստանից ժամանած մասնագետները հավելել են, որ այսօրինակ նախաձեռնություններով փորձում են իրենց աջակցությունը բերել Արցախին, որը շարունակական է լինելու:

ԱՀ առողջապահության նախարարություն