Սյունիքի դեպքերով դատարանների կողմից տրված գնահատականների ճնշող մեծամասնության հետ մենք համաձայն չենք եղել․ դատախազ (տեսանյութ)
Աջակցիր «Ա1+»-ինԹշնամու հրամանատարների նկատմամբ հետախուզումներ հայտարարված են, բայց դրանց մասին հրապարակային խոսելը չի օգնի գործին։ Այս մասին ԱԺ-ում լրագրողների հետ զրույցում հայտնեց ՀՀ Գլխավոր դատախազ Արթուր Դավթյանը Դատախազության տարեկան զեկույցի ներկայացումից հետո։
Վերջինս հայտնեց նաև, որ դավաճանության վերաբերյալ մեկ քրեական գործ արդեն ավարտվել է, ուղարկվել է դատարան, կան նաև նախաքննության փուլում գտնվող գործեր, լրտեսության հոդվածով անցնում է մեկ նախկին զինվորական։
Անդրադառնալով Սյունիքի դեպքերին՝ Արթուր Դավթյանը բացառեց, որ իրենք կարող են քաղաքական որոշումներ կայացնել․
«Կատարված դեպքերը հրապարակային են, յուրաքանչյուր քաղաքացի կարող է դնել, նայել ու հասկանալ՝ դրա վերաբերյալ քրեական վարույթը արդարացված է, թե ոչ։ Նաև Սյունիքի դեպքերով դատարանների կողմից տրված գնահատականների ճնշող մեծամասնության հետ մենք համաձայն չենք եղել և հիմա վիճարկում ենք դրանք վերադաս դատարաններում»։
Ինչ վերաբերում է նախին թալանը վերադարձնելու Փաշինյանի խոստումներն, ԱրթուրԴավթյանն ասում է՝ օրինակ 2020 թվականին հաջողվել է վերադարձնել 14 մլրդը գերազանցող գումար․
«Մենք տարբերություն չենք դնում որևէ դեպքի մեջ, մենք կատարում ենք մեր աշխատանքը»,-ասաց Դավթյանը։