Պետք է հասկանամ՝ իմ աչքի տեսա՞ծն էր ավելի ճիշտ, թե՞ այսօրվա լսածս․պատգամավորը՝ Ապրիլյանի զեկույցի մասին (տեսանյութ)
Աջակցիր «Ա1+»-ինԱզգային ժողովի անկախ պատգամավոր Սոֆյա Հովսեփյանը պնդում է՝ Արցախի Մարտունի քաղաքից Գարեգին Նժդեհի արձանը հանելու վերաբերյալ քննարկումները չեն դադարում, այն պետք է հանվի մինչև մայիսի 9-ը․
«Արձանը մնալու է՝ ի հեճուկս բոլորի, սա ծնելու է արհեստական հակառուսական աղմուկ»,-նշեց Հովսեփյանը։
Պատգամավորն անդրադարձավ նաև Ապրիլյան պատերազմի քննիչ հանձնաժողովի զեկույցին, որն այս պահին քննարկվում է փակ նիստով, նշեց, թե հանձնաժողովից երբեք էլ մեծ ակնկալիքներ չի ունեցել․
«Ապրիլյան պատերազմի ժամանակ և նաև 44-օրյա պատերազմի ընթացքում ես կողքից նայող չեմ եղել և շատ բաների անձնամբ եմ ականատես եղել, դրա համար հանձնաժողովի զեկույցը ինձ համար այդքան կարևոր չէր, ավելի շատ հակասական և խճճող բաներ էին, որոնք այն ժամանակ այլ տեսքով էր, հիմա այլ տեսքով է։ Լսեցի ինձ համար հակասական տեղեկություններ և պետք է հասկանամ՝ իմ աչքի տեսա՞ծն էր ավելի ճիշտ, թե՞ այսօրվա լսածս»։
Պատգամավորը նաև ասում է՝ այսօր շատ ավելի ահեղ 44-օրյա պատերազմ պետք է քննենք․
«Ես կարծում եմ, որ զեկույցի քննարկումը հրապարակային կարող էր լինել, եթե 44-օրյա պատերազմը չլիներ, քանի որ շատ բաներ այստեղ շատ ավելի մեղմ է երևալու, քան 44-օրյա պատերազմում մեր տեսածը, դրա համար գաղտնի է քննարկվում»։
Հովսեփյանը նաև ասում է՝ ի սկզբանե չպետք է հայտարարվեր, որ քննարկվելու է բաց և հրապարակային։
Անկախ պատգամավորը նաև նշեց, որ տարբեր քաղաքական ուժերից առաջարկներ ունի մասնակցելու արտահերթ ընտրություններին, բայց հակված է չմասնակցելու։