Ներողություն եմ խնդրում բոլորիցդ այ սրա համար․ Փաշինյանը՝ սյունեցիներին (տեսանյութ)
Աջակցիր «Ա1+»-ինՀՀ վարչապետ Նիկոլ Փաշինյանի այցը Սյունիքի մարզ առանց միջադեպի չանցավ։ Մարդկանց մեծ խումբ Մեղրիում հավաքվել և թույլ չէր տալիս վարչապետին ու նրան ուղեկցող թիկնազորին առաջ շարժվել: Երկար ժամանակ ոստիկանության և ԱԱԾ-ի աշխատակիցները չէին կարողանում հանգստացնել իրավիճակը:
Իրավապահ մարմինները դժվարությամբ էին կարողանում զսպել լարված իրավիճակն ու հեռավորություն պահել: Քաղաքացիները բղավում էին․ «Մեղրիում դու տեղ չունես»:
Վարչապետը բարձրախոսով ասաց. «Ճիշտ եք` մենք ենք մեղավոր, ներողություն եմ խնդրում բոլորիցդ այ սրա համար»: Նիկոլ Փաշինյանը մի քանի բակ մտավ` փորձելով խոսել բնակիչների հետ, սակայն մարդիկ հետևում էին նրան ու շարունակում վանկարկումները` թույլ չտալով խոսել:
Վարչապետ Նիկոլ Փաշինյանն ու նրան ուղեկցողները լարված իրավիճակից հետո ի վերջո հեռացան Մեղրիից:
Սյունիքի մարզի Ագարակ քաղաք Նիկոլ Փաշինյանի այցի ընթացքում եւս տեղի ունեցավ քաշքշուկ ոստիկանների եւ քաղաքացիների միջեւ։