Ֆուտբոլի Հայաստանի կանանց հավաքականը ոչ-ոքի խաղաց Հորդանանի հետ

Ֆուտբոլի Հայաստանի կանանց հավաքականը երկրորդ հանդիպումն անցկացրեց Հայաստանում անցկացվող կանանց ֆուտբոլի Our game միջազգային մրցաշարում: 

Մեր ընտրանին Չարենցավանում հյուրընկալեց Հորդանանի հավաքականին, որն առաջին տուրում 0:1 հաշվով պարտվել էր Լիտվային: Խաղի հաշիվը 25-րդ րոպեին բացեց Հայաստանի հավաքականի անդամ Օլգա Օսիպյանը: Երկրորդ խաղակեսի միջնամասում հյուրերին հաջողվեց վերականգնել հավասարությունը: Հանդիպումն այդպես էլ ավարտվեց` 1:1:

Հայաստանի հավաքականը վերջին` 3-րդ տուրում, կհանդիպի Լիտվայի ընտրանու հետ, որն այսօր 7:1 հաշվով ջախջախել է Լիբանանի թիմին և վաստակած 6 միավորով այժմ գլխավորում է մրցաշարային աղյուսակը: