Արցախը շարունակում է դատապարտել 1988 թվականին Ադրբեջանի Սումգայիթ քաղաքում հայ ազգաբնակչության դեմ պետական մակարդակով կազմակերպված զանգվածային սպանդն ու տեղահանությունը։

Այս հանցագործության իրական նպատակն Արցախյան շարժման կանխումն էր, որին հաջորդեց պատերազմը` Ադրբեջանի պարտությամբ։

 

Այսօր, ԱՀ ներքին գործերի նախարար Կարեն Սարգսյանն այցելել է Ստեփանակերտի հուշահամալիր պանթեոն, ծաղիկներ խոնարհել անմեղ զոհերի հիշատակը հավերժացնող հուշարձանի պատվանդանին։

 

ՆԳ նախարարը նշել է, որ խաղաղ բնակչության դեմ իրականացված ոճրագործությունը վաղեմության ժամկետ չունի և մենք, քանի ապրում ենք, միշտ կհիշենք մեր այն հայրենակիցներին, ովքեր զոհ են դարձել ազգային պատկանելության պատճառով։