A
A
Նարեկ Մանասյանը մտել է բռնցքամարտի «Ստրանջայի գավաթի» եզրափակիչ
Աջակցիր «Ա1+»-ինՍոֆիայում ընթացող բռնցքամարտի «Ստրանջայի գավաթի» 72-րդ խաղարկությունում կայացել են կիսաեզրափակիչ մենամարտերը:
Հայաստանի մարզիկներից այդ փուլի արգելքը հաղթահարեց միայն 91 կգ քաշային Նարեկ Մանասյանը, որը 4:1 հաշվով պարտության մատնեց Վրաստանը ներկայացնող հայազգի բռնցքամարտիկ Արտյոմ Յորդանյանին: Այսօր նախատեսված եզրափակիչ մարտում մեր մարզիկը կհանդիպի բուլղարացի Ռադոսլավ Պանտալեևի հետ:
Կիսաեզրափակիչ մտած մեր մյուս երեք բռնցքամարտիկները՝ 63 կգ քաշային Բենիկ Նիկողոսյանը, 81 կգ քաշային Գոռ Ներսիսյանը և գերծանր քաշային Գուրգեն Հովհաննիսյանը, պարտություն կրեցին այս փուլում և Հայաստան կվերադառնան բրոնզե մեդալներով: