Հայաստանն ընդդեմ Ադրբեջանի եւ հակառակը․ Եվրադատարանը երկու գանգատ է ստացել

ՄԻ Եվրոպական դատարանը տեղեկացնում է, որ ստացել է Լեռնային Ղարաբաղի հակամարտության հետ կապված երկու միջպետական ​ դիմումներ ։  Եվրադատարանին գանգատներ են ուղարկել  եւ Հայաստանը, եւ Ադրբեջանը՝  համարելով, որ   2020 թվականի սեպտեմբերի 27-ին սկիզբ առած ռազմական գործողությունների ընթացքում տեղի են ունեցել Մարդու իրավունքների կոնվենցիայի լայնատարած խախտումներ։

Բացի այդ, Ադրբեջանը համարում է, որ  թե Հայաստանը պատասխանատու է 1992 թվականից ի վեր Լեռնային Ղարաբաղում ու հարակից տարածքներում Կոնվենցիայի խախտումների, այդ թվում՝ հարյուր հազարավոր ադրբեջանցիների տեղահանման, , մշակութային և կրոնական սեփականության ոչնչացման համար։

Դատարանը «Հայաստանն ընդդեմ Ադրբեջանի» եւ «Ադրբեջանն ընդդեմ Հայաստանի» դիմումների վերաբերյալ ծանուցագրեր է ուղարկել երկու երկրներին։ Առաջիկայում էլ  ուսումնասիրելու է միջպետական գանգատները քննության ընդունելու հարցը։ 

Ի դեպ,  Եվրադատարանում կան նաեւ գործեր  գերիների  հետ կապված․ դրանք վերաբերում են  228 հայի և 13 ադրբեջանցու։

Մանրամասներն այստեղ