Կոնյակի արտահանման ցուցանիշները նվազել են շուրջ 20, գինունը՝ 27-28 տոկոսով․ փոխնախարար (տեսանյութ)
Աջակցիր «Ա1+»-ին2020 թվականին Հայաստանից արտահանվել է շուրջ 145․500 տոննա թարմ պտուղ-բանջարեղեն, որը 3000 տոննայով ավելի է նախորդ տարվա համեմատ։ Այս մասին «Ա1+»-ի հետ զրույցում նշեց Էկոնոմիկայի փոխնախարար Արման Խոջոյանը։
«Արտահանման վատ ցուցանիշներ ունենք ալկոհոլային խմիչքների, մասնավորապես՝ գինու. խաղողի և կոնյակի արտահանման ցուցանիշներն են նվազել շուրջ 20 տոկոսով, իսկ գինին՝ 27-28 տոկոսով»։
Փոխնախարարի համոզմամբ՝ սա հիմնականում պայմանավորված է համավարակով։
Խոջոյանի խոսքով՝ գյուղոլորտի շուրջ 30,000 շահառու օգտվել է նախարարության առաջարկած ծրագրերից, ընդհանուր առմամբ՝ շուրջ 80 մլրդ դրամ արտոնյալ պայամաններով, 0 տոկոս տոկոսադրուքով գումար է տրամադրվել հենց գյուղատնտեսական աշխատանքների կազմակերպման համար։
Ինչ վերաբերում է տեղական մթերքների պահանջարկի փոփոխությանը, փոխնախարարն ասում է․
«Վերամշկող կազմակերպությունների մթերումների ծավալները երբ ուսումնասիրում ենք, տեսնում ենք, որ եթե 2019 թվականին մթերվել է 86 հազար տոննա, ապա 2020 թվականին այդ թիվը կազմել է 96 հազար տոննա, այսինքն՝ նույնիսկ մթերման ծավալների ավելացում է տեղի ունեցել, ինչը բավականին լավ ցուցանիշ է և խոսում է այն մասին, որ բիզնեսմենները ունեն համապատասխան շուկաներ»։
Ինչ վերաբերում է ներմուծվող ապրանքներին, փոխնախարարն ասաց՝ հնարավոր է,որ արտաժույթով պայմանավորված գների բարձրացում լինի։