Բացել լրահոսը Փակել լրահոսը
A A
Հասարակություն

Անհետ կորած զինծառայողների հարազատները Ռուսաստանի դեսպանատան մոտ են․ ՈՒՂԻՂ (տեսանյութ)

Անհետ կորած զինծառայողների ծնողները, հարազատները հավաք են անցկացնում Ռուսաստանի դեսպանատան դիմաց։ Նրանք եկել են նամակ-խնդրագրով՝ ակնկալելով  Ռուսաստանի միջնորդությանը՝ անհետ կորած զինծառայողներին գտնելու, գերիներին կամ զոհերի մարմինները վերադարձնելու հարցով։

Երեկ հանդիպել են վարչապետ Ն․ Փաշինյանին, հանդիպմանը ներկա է եղել նաև փոխվարչապետ Տ․ Ավինյանը։

 «Մեզ ասում են էդ տարածքները Ադրբեջանի վերահսկողության տակ են մտնում, հասկանում ենք, բայց դեռ երեկ չէ առաջին օրը պետք է Կարմիր Խաչը մտներ Հադրութ, աշխատեր,բայց իմացանք, որ փակել ա Ադրբեջանը, չի թողնում մտնեն»,-ասում է հարազատներից մեկը, ով փնտրում է իր  եղբորն ու եղբորորդուն։

Նամակը ստացել է ՌԴ դեսպանի խորհրդական Անդրեյ Վիկտորովիչ Շանինը, ով կարդացել և հուզվել է, խոստացել մի քանի ժամվա ընթացքում փոխանցել դեսպանին և ընթացք տալ գործին։

«Խնդրանքով գրել ենք Վլադիմիր Վլադիմիրիչին, դեսպանի խորհրդականն ասաց նամակը հասցնելու են Մոսկվա, հենց այսօր այն կհայտնվի Ռուսաստանում կառավարության սեղանին»,-ասում է Եղիշե Զաքունցը։

Հավաքվածները թիվը մոտավոր 150-ն էր, մի մասն էլ Կառավարության շենքի դիմաց են․հերթագրվում են, որպիսի հանդիպում ունենան վարչապետի հետ և խմբով մասնակցեն նիստերի։