17 զինծառայող պահվում է Ադրբեջանում. ևս երկուսի մասով տվյալները ճշտվում են․ ՔԿ պաշտոնյա (տեսանյութ)
Աջակցիր «Ա1+»-ինՀՀ ՔԿ քրեագիտական վարչության պետ Ռաֆայել Վարդանյանն այսօր լրագրողների հետ զրույցում նշեց, որ Ադրբեջանում պահվում է 17 հայ ռազմագերի։ Եվս երկուսի մասով տվյալները ճշտվում են, նշեց նա:
«Մենք աշխատում ենք ՄԻԵԴ-ում ՀՀ ներակայացուցչության և Պաշտպանության նախարարության ռազմագերիների միջգերատեսչական հանձնաժողովի հետ` տվյալ անձնանց նկատմամբ հրատապ միջոցներ կիրառելու վերաբերյալ, որը վերաբերում է բժշկական օգնությանը, չխոշտանգելուն և այլն»,- ասաց Վարդանյանը։
Քննչական կոմիտեն քննվող քրեական գործի շրջանակներում այս պահի դրությամբ հարցաքննել է ադրբեջանական կողմի երկու ռազմագերու։
«Նրանք պահվում են միջազգային բոլոր մարդասիրական նորմերին համապատասխան։ Ամենաբարձր մակարդակով ստանում են բժշկական օգնություն, երեքանգամյա սնունդ և մնացած բոլոր պահանջները ապահովված են։ Նույնիսկ հարցաքննության ընթացքում նշել են, որ Ադրբեջանում դժվար թե սրանից ավելի լավ վերաբերմունքի արժանանային»,- հայտնեց Վարդանյանը։
