Չեղարկվել են սամբոյի աշխարհի և Եվրոպայի հերթական առաջնությունները
Աջակցիր «Ա1+»-ինԲուլղարիայի սամբոյի ֆեդերացիան որոշել է չեղարկել սամբոյի Եվրոպայի պատանիների և երիտասարդների առաջնությունը, որը պետք է կայանար դեկտեմբերի 10-14-ը, Պանագյուրիշչե քաղաքում։ Պատճառը երկրում կորոնավիրուսի վարակի նոր տարածումն է։
Մինչ այդ չեղարկվել էր Եվրոպայի մեծահասակաների առաջնությունը, որը պետք է տեղի ունենար նոյեմբերի 27-29-ը, Ռուսաստանի Եկատերինբուրգ քաղաքում։
Սամբոյի միջազգային ֆեդերացիայի՝ FIAS-ի լրատվական ծառայությունն այսօր հայտնել է, որ չեղարկվել են նոյեմբերի 23-25-ը Ծաղկաձորում նախատեսված դպրոցականների սամբոյի 2020թ աշխարհի առաջնությունը և դեկտեմբերի 2-3-ը Խորվաթիայի Պորեչ քաղաքում անցկացվելիք կադետների սամբոյի 2020թ աշխարհի առաջնությունը:
Միջազգային ֆեդերացիան առայժմ չի չեղարկել նոյեմբերի 5-8-ը Սերբիայի Նովի Սադ քաղաքում նախատեսված 2020թ պատանիների և երիտասարդների աշխարհի առաջնությունը։