Արարատի հայացքը. Հաղթելու ենք (տեսանյութ)
Աջակցիր «Ա1+»-ինԵրկու տարի առաջ այս օրը` 2018թ հոկտեմբերի 19-ի երեկոյան, «Մոսկվա» կինոթատրոնում բոլորի հայացքն ուղղված Էր Արարատին։ Իսկ էկրանին՝ «Արարատի հայացքն» էր՝ ֆիլմ-էսսե, որը «Ա1+»-ի նվերն էր Երեւանի 2800-ամյակի առիթով։
Ֆիլմում մեր սիրելի քաղաքն է, համայն հայության քաղաքամայրը՝ իր բոլոր շերտերով՝ սիրով եւ պատմությամբ շաղախված։
Այս տարի մեր սիրելի քաղաքի տոնը չնշեցինք: Երեւանին ուղղված շնորհավորանքներն այս տարի փոխվել են աղոթքների, որոնց գլխավոր հասցեատերը մեկն է՝ զինվորը, հայրենիքի պաշտպանը։
Վարդագույն քաղաքը հավատում է իր որդիներին, ու հաղթանակը, որպես անգին նվեր, նվիրվելու են Հայաստանի մայրաքաղաքին, ու Ստեփանակերտից Երեւան շնորհավորանքների, արցունքներից պոկվող ժպիտների տարափ է լինելու։
Արարատի հայացքի տակ Երեւանը, ցավից ու վշտից քարացած, ամոքելու է վերքերն ու ամուր գրկելու իր հաղթանակած որդիներին, նրանց դիմավորելու է իր բոլոր գույներով եւ ջերմությամբ, որը միայն մայրը կարող է տալ իր զավակներին։
«Արարատի հայացքը». հանուն որի սահմանին կանգնածը հաղթում է եւ հաղթելու է։