Բոլիվիա-Արգենտինա խաղից հետո Լիոնել Մեսին վիճաբանել է մրցակցի ավագի հետ (տեսանյութ)

Ֆուտբոլի 2022թ աշխարհի առաջնության Հարավային Ամերիկայի գոտում կայացած Բոլիվիա – Արգենտինա հանդիպումն ավարտվել է ֆուտբոլիստների քաշքշուկով:

Ինչպես նշում են տեղական լրատվամիջոցները, խաղից հետո արգենտինացիների ավագ Լիոնել Մեսիին դուր չի եկել բոլիվիացիների ավագ Մարսելո Մորենոյի մեկնաբանությունը կապված խաղի հետ: Արդյունքում, երկու ավագները լեզվակռվի են բռնվել, որից հետո քաշքշուկ է սկսվել ֆուտբոլիստների միջև: Բարեբախտաբար, մարզիչներին հաջողվել է հանգստացնել իրենց սաներին և գործը չի հասել ծեծկռտուքի:

Արգենտինայի հավաքականը 2:1 հաշվով կամային հաղթանակ է տարել այդ խաղում և վաստակած 6 միավորով սկսել է գլխավորել մրցաշարային աղյուսակը, իսկ Բոլիվիան երկրորդ անընդմեջ պարտությունն է կրել և այժմ զբաղեցնում է վերջին՝ 10-րդ տեղը:

¡Final picante! ? Tras el pitazo final, hubo un fuerte intercambio de palabras entre bolivianos y argentinos. #ClasificatoriasxMDeportes ? pic.twitter.com/lr1gI7SOvR

— Movistar Deportes (@MovistarDeporPe) October 13, 2020