Ձյուդոն կրկին վերադառնում է իրական տատամի
Աջակցիր «Ա1+»-ինՁյուդոյի «Մեծ սաղավարտը» կրկին վերադառնում է իրական տատամի: Այդ մասին պաշտոնապես հայտարարել է ձյուդոյի միջազգային ֆեդերացիան՝ IJF-ն:
Առաջիկա մրցաշարը տեղի կունենա հոկտեմբերի 23-25-ը, Բուդապեշտում, սակայն անցկաման օրացույցում հնարավոր է փոփոխություններ տեղի ունենա՝ կապված Հունգարիայում կորոնավիրուսի համաճարակի տարածման աստիճանից:
«Սա պատմական պահ է համաշխարհային ձյուդոյի և սպորտի համար: Մենք անհամբեր սպասում էինք «Մեծ սաղավարտի» անցկացմանը, որը լիովին համապատասխանեցված է միջազգային ֆեդերացիայի, առողջապահության և անվտանգության կանոններին: Դժվարին ժամանակներում պետք է հարմարվենք COVID-19- ին։ Կանենք ամեն ինչ, որպեսզի մարզիկները կարողանան դրսևորել իրենց ունակությունները», - ասել միջազգային ֆեդերացիայի նախագահ Մարիուս Վիզերը:
Նշենք, որ «Մեծ սաղավարտի» մրցումներում կխաղարկվեն նաև օլիմպիական վարկանիշային միավորներ: