Արցախում հայերը հարձակման են ենթարկվել Ադրբեջանի կողմից. Քիմ Քարդաշյանի գրառումը
Աջակցիր «Ա1+»-ինԱմերիկահայ հեռուստաաստղ Քիմ Քարդաշյանն Ինստագրամի իր էջում անդրադարձել է Արցախում տիրող իրավիճակին:
«Խնդրում եմ տարածել նորությունը: Արցախում հայերը հարձակման են ենթարկվել Ադրբեջանի կողմից, դրանք «բախումներ» չեն: Կոչ արեք Բաքվին դադարեցնել ուժի կիրառումը, դադարեցնել ԱՄՆ-ի ռազմական օգնությունը Ադրբեջանին, որն օգտագործվում է հայերի դեմ և զգուշացրեք Թուրքիային` դադարեցնել զենք և մարտիկներ ուղարկել Բաքու»,-գրել է Քարդաշյանը:
Նա շեշտել է՝ պետք են միջազգային դիտորդներ, որ ուսումնասիրեն և միջազգային քաղաքական և դիվանագիտական միջոցառումների կոչ անեն `կանխելու անհարկի սրացումն ու ողբերգությունը:
«Արցախում հայերը հարձակման են ենթարկվել: Մենք աղոթում ենք խիզախ տղամարդկանց և կանանց համար, ովքեր վտանգում են իրենց կյանքը `պաշտպանելու Արցախը և Հայաստանը»,- գրել է Քարդաշյանը:
