Սահմանադրական դատարանը նախագահ է ընտրելու այսօր։   Սեպտեմբերի 15-ին, երբ  Աժ-ն արտահերթ նիստում ընտրեց Սահմանադրական դատարանի երեք դատավորների,  համալրվեց  ՍԴ-ի դատավորների ամբողջական կազմը։

 Սահմանադրական դատարանի շուրջ ստեղծված ճգնաժամի լուծման վերջին քայլը թերևս թափուր մնացած ՍԴ նոր նախագահի և նրա տեղակալների ընտրությունն է։

Ընտրությունը լինելու է աշխատանքային փակ քվեարկությամբ, դատարանի բոլոր ինը դատավորներն էլ իրավունք ունեն ինքնաառաջադրվելու։

Վճռաբեկ դատարանի նախկին նախագահ, այժմ արդեն ՍԴ դատավոր Երվանդ Խունդկարյանի թեկնածությունը նախագահի պաշտոնում ամենաքննարկվողներից է։

Սակայն լրագրողների հարցերին ի պատասխան՝  Խունդկարյանը հավաստիացնում է՝ իր առաջադրման կամ չառաջադրման խոսակցություններ չեն եղել․ «էն անձը ով կընտրվի աշխատանքային փակ քվեարկությամբ, կլինի օրինական, չի կարող երաշխիք լինել, որ նախկին գործս թողել եմ, որովհետև դառնալու եմ նախագահ։ Ամեն ինչ պարզ կլինի քվեարկությունից հետո»։

ՍԴ դատավոր Արևիկ Պետրոսյանը, ով դատավորի պաշտոնում է ընտրվել նախկին իշխանությունների ժամանակ, փաստում է՝ ՍԴ-ի ճգնաժամ չի եղել մինչև 2020 թվականի հունիսի 26-ը, երբ Աժ-ն ընդունեց Սահմանադրական փոփոխությունների նախագիծը․ «Որևէ առաջադրում, ինքնաառաջադրում չեմ կատարելու, կտեսնենք ովքեր կառաջադրեն, ինչպիսի ելույթներ կունենան, ըստ այդմ կլինի դիրքորոշում։ Թե ինչպիսի վստահություն կլինի քաղաքացիների կողմից ՍԴ-ի հանդեպ, կախված է, թե ինչպես կգեներացվեն ուղղությունները քաղաքական ուժերի կողմից»։

Իսկ նոր ընտրված դատավորներից Էդգար Շաթիրյանը չի բացառում, որ նախագահի թեկնածու կարող է լինել և ՍԴ-ի նախկին նախագահ, այժմ դատավոր՝ Հրայր Թովմասյանը․

«Ընտրության հարցը լուծվում է փակ քվեարկության արդյունքում, 9 դատավաորներից ինն էլ հավակնում են լինել նախագահ, թափուր պաշտոնները համալրված են, դատարանը բնականոն ընթացքով շարունակվում է աշխատանքը։ Դատավոր կարող է առաջադրվել նաև Հրայր Թովմասյանը»։

 Հավելենք, որ ՍԴ նախագահի և տեղակալների ընտրությունը կկայանա այսօր՝ 15․30-ին։

Իսկ նոր ընտրված դատավորներից Էդգար Շաթիրյանը չի բացառում, որ նախագահի թեկնածու կարող է լինել և ՍԴ-ի նախկին նախագահ, այժմ դատավոր՝ Հրայր Թովմասյանը․

«Ընտրության հարցը լուծվում է փակ քվեարկության արդյունքում, 9 դատավաորներից ինն էլ հավակնում են լինել նախագահ, թափուր պաշտոնները համալրված են,  դատարանը բնականոն ընթացքով շարունակվում է աշխատանքը։ Դատավոր կարող է առաջադրվել նաև Հրայր Թովմասյանը»։

Հավելենք, որ ՍԴ նախագահի և տեղակալների ընտրությունը կկայանա այսօր՝ 15․30-ին։