Chess 9LX.․Այս պահին Լեւոն Արոնյանը գլխավորում է աղյուսակը (տեսանյութ)
Աջակցիր «Ա1+»-ինՖիշերի շախմատի առցանց մրցաշարի հերթական երեք տուրերում Լևոն Արոնյանն առավելության հասավ մրցակիցների նկատմամբ։
4-րդ տուրում հայ գրոսմայստերը սևերով պարտության մատնեց 17-ամյա իրանցի Ալիռեզա Ֆիրուջային, իսկ 5-րդ տուրում հաղթեց ռուսաստանցի Պյոտր Սվիդլերին:
6-րդ տուրում հայ շախմատիստի մրցակիցը ԱՄՆ-ի ներկայացուցիչ Լենիեր Դոմինգեսն էր, որին նույնպես հաղթեց Լեւոնը։
Լեւոնի հաջորդ մրցակիցը վաղը լինելու է Գարրի Կասպարովը։
Հիշեցնենք, որ Champions Showdown: CHESS 9LX մրցաշարը անցկացվում է Ֆիշերի շախմատի կանոններով։
Մրցաշարին մասնակցում են 10 շախմատիստներ՝ Լևոն Արոնյանը, Գարի Կասպարովը, Մագնուս Կարլսենը, Ֆաբիանո Կարուանան, Մաքսիմ Վաշիե-Լագրավը, Հիկարու Նակամուրան, Դոմինգես Պերես-Լենիերը, Պյոտր Սվիդլերը, Ուեսլի Սոն և Ալիռեզան Ֆիրուջան։
Մրցաշարի ժամակարգն է 20 րոպե մինչև պարտիայի ավարտը՝ 10 վայրկյան հավելումով յուրաքանչյուր քայլին։
Մրցաշարի մրցանակային հիմնադրամը 150 հազար դոլար է:
Հաղթողը կստանա 37.500, իսկ 10-րդ տեղը՝ 7.500 դոլար պարգևավճար: