Մինչև տարվա վերջ  քովիդային ֆոնը կպահպանվի,  իսկ  պահպանման պարագայում անհրաժեշտ են լինելու  համապատասխան միջոցառումներ,որոնք հնարավորինս կնվազեցնեն այն ռիսկերը, որը  տարածում է կորոնավիրուսը:  ԱԺ արտահերթ նիստում հայտարարեց  Պետական իրավական հարցերի մշտական հանձնաժողովի նախագահ Վլադիմիր Վարդանյանը ։   

Նա կարծում է, որ   նոր օրինագծով սահմանափակումները ՀՀ  քաղաքացիների կյանքը ավելի շատ բնական, քան արտակարգ են դարձնում.

  «Կարևոր դրույթներից մեկը այն է,որ լուրջ սահմանափակումներները առաջացնում էին մտահոգություններ տարբեր շրջանակների մոտ կապված տեղորոշման համակարգի հետ՝ վերացվել են .սա նշանակում է,որ մենք գտնվում ենք այնպիսի ռեժիմում,որ առավել մոտ է բնականոն ռեժիմին ,քան արտակարգ դրության ռեժիմին,որի պարագայում սահմանափակումները ավելի կոշտ էին»:

«Իմ քայլը» խմբակցության  պատգամավոր Միքայել Զոլյանը հայտարարեց, որ ինքը կողմ կլինի  արտակարգ դրությունը ևս մեկ ամիս պահպանելուն. «Հաշվի առնելուվ քաղաքացիների կողմից եկող ազդակները,ուրոշ լուծումներ ենք գտել,որոնք հնարավորություն կտան ավելի մեղմ  ռեժիմով շարունակել պայքարը համավարակի դեմ»:

Նա  հարկ համարեց նաեւ այս հիշեցումն անել.   «Պետք է անել ամեն ինչ,որ թյուրընկալում չլինի, թե  արտակարգ դրության վերացումը նշանակում է,որ համավարակը ավարտվեց և հնարավոր է վերադառնալ նույն կյանքին,որը կար առաջ»:

Հիշեցնենք, որ  Ազգային ժողովն  Կառավարության նախաձեռնությամբ արտահերթ նստաշրջան է գումարել, որի օրակարգում «Բնակչության սանիտարահամաճարակային անվտանգության մասին» օրենքում փոփոխություններն են և կից ներկայացված օրինագծերի փաթեթը:

Այն հնարավորություն կտա չերկարաձգել արտակարգ դրությունը, բայց  շարունակել իրականացնել կորոնավիրուսի դեմ հակահամաճարակային միջոցառումներ։