Արթուր Դավթյանը` Եվրոպայի չեմպիոն
Աջակցիր «Ա1+»-ինԱնգլիայի Բիրմինգհեմ քաղաքում կայացած մարմնամարզության Եվրոպայի առաջնությունում հաջող հանդես եկան Հայաստանի երիտասարդ մարմնամարզիկներ Արթուր Դավթյանն ու Վահան Վարդանյանը:
Նրանք բազմամարտում հաղթահարեցին առաջին փուլը եւ մտան եզրափակիչ: Այստեղ Վահան Վարդանյանը զբաղեցրեց 13-րդ տեղը, իսկ Արթուր Դավթյանը` 19-րդ: Այդպիսով, Վահանը հայտնվելով առաջին 14 մարմնամարզիկների մեջ, իրավունք նվաճեց մասնակցելու այս տարի Սինգապուրում կայանալիք պատանեկան օլիմպիական առաջին խաղերին:
Առանձին գործիքների վրա գերազանց հանդես եկավ Արթուր Դավթյանը: Նա հենացատկում գրավեց առաջին տեղը եւ դարձավ Եվրոպայի չեմպիոն, իսկ նզույգաթափի վրա 3-րդ տեղը կիսեց գերմանացի Դանիել Վեյներտի հետ: Օղակների վրա մեր մարզիկները գրավեցին համապատասխանաբար 7-րդ եւ 8-րդ տեղերը:
Մեծահասակների մրցաշարին մասնակցած Վահագն Դավթյանը հանդես եկավ միայն օղակների մրցումներին: Նա որակավորման փուլում զբաղեցրեց 3-րդ տեղը, սակայն եզրափակիչում այդ հորիզոնականը զիջեց բուլղարացի Իորդան Յովչեւին:
