«Փյունիկ» ՖԱ-ն պարզաբանում է իր ֆուտբոլիստների հետ տեղի ունեցածը
Աջակցիր «Ա1+»-ին«Փյունիկ» ֆուտբոլային ակումբն այսօր հայտարարություն է տարածել իր պաշտոնական կայքում:
«Ինչպես հայտնում է ՀՀ քննչական կոմիտեն, երեկ Երևանում տեղի է ունեցել միջադեպ երկու երիտասարդների և ոստիկանության աշխատակիցների միջև։ Համացանցում ավելի վաղ լուրեր էին տարածվել, որ միջադեպին մասնակից են եղել «Փյունիկ» ՖԱ-ի մի քանի ֆուտբոլիստներ։
Ակումբը ցանկանում է նշել, որ մտահոգված է կատարվածի առիթով և ակտիվ համագործակցում է ոստիկանության և իրավաբանների հետ։ Ցանկանում ենք նշել, որ միջադեպին մասնակից է եղել «Փյունիկի» միայն 1 ֆուտբոլիստ։
Տարածված այն լուրերը, որ Արաս Օզբիլիսը և Սերոբ Գրիգորյանը նույնպես իրենց մասնակցությունն են ունեցել միջադեպին և ֆուտբոլիստները գտնվել են ոչ սթափ վիճակում չեն համապատասխանում իրականությանը, ինչի մասին վկայում են ՀՀ ոստիկանության և քննչական կոմիտեի տարածած հայտարարությունները։
«Փյունիկ» ՖԱ-ն կհետևի հետաքննության ընթացքին», - ասված է հայտարարության մեջ։
Նշենք, որ երեք «Կասկադի» տարածքում տեղի ունեցած միջադեպի հետևանքով ձերբակալվել են Գոռ և Էդգար Մալաքյան եղբայրները: Առաջինն այս մրցաշրջանից հանդես է գալիս «Փյունիկում», իսկ երկրորդը՝ «Արարատում»:
