A
A
Հանգիստը Հայաստանում. ինչի՞ց են դժգոհում քաղաքացիները
Աջակցիր «Ա1+»-ինԿորոնավիրուսը հարկադրեց հայաստանցիներին ամառային հանգստի տարբերակներ փնտրել երկրի ներսում:
Սա մի կողմից հրաշալի հնարավորություն էր՝ ծանոթանալու Հայաստանի գեղեցիկ ու չբացահայտված զբոսավայրերին՝ զուգահեռ նպաստելով թե՛ ներքին տուրիզմի զարգացմանը, թե՛ օգնելով զբոսաշրջային ոլորտին, որը, ըստ ոլորտի ներկայացուցիչների, համավարակի արդյունքում ծայրահեղ ծանր վիճակում է հայտնվել:
Զբոսաշրջային ոլորտի ներկայացուցիչները նշում են, որ ոլորտում ծանր իրավիճակ է, շատ հյուրատներ դատարկ են: Ու չնայած կանխատեսումներին, որ իրավիճակով պայմանավորված՝ ներհայաստանյան հանգստի գները կնվազեն, շատերը բողոքում են, որ Հայաստանի տարածում հանգստի մեկնելը պարզապես մատչելի չէ:
«Ա1+»-ը հարցում անցկացրեց, պարզելու համար, թե մեկնե՞լ են արդյոք հանգստի մեր հայրենակիցները եւ գո՞հ են ներքին տուրիզմից, թե՞ ոչ:
Եւ հետաքրքրական է, որ հարցվածների մեծ մասը նշել է, որ չի մեկնել հանգստի, քանի որ գները բարձր են: Այդպես է պատասխանել մեր հարցմանը մասնակցած քաղաքացիների 39 տոկոսը:
31 տոկոսը նշել է, որ մեկնել է հանգստի, գոհ են:
Հարցմանը մասնակցածների 19 տոկոսը նշել է, որ նոր են պատրաստվում մեկնել հանգստի:
11 տոկոսն էլ ներհայաստանյան հանգստի մեկնել է, սակայն գոհ չի մնացել: