Աբրահամը չի համակերպվում
Աջակցիր «Ա1+»-ինՀայազգի պրոֆեսիոնալ բռնցքամարտիկ Արթուր Աբրահամը «Բեռլին կուրիեր» թերթին տված հարցազրույցում խոստովանել է, որ ոչ մի կերպ չի կարողանում համակերպվել Անդրե Դիրելից կրած պարտության հետ, որն առաջինն էր նրա կարիերայում:
«Դիրելի հետ մենամարտին ես դեռեւս ֆիզիկապես լավ մարզավիճակում չէի: Բայց այն, ինչ տեղի ունեցավ մարտի վերջում, ինձ դեռ ցավ է պատճառում: Այսուհետ ես պետք է ավելի շատ մտածեմ մրցամարտերի, քան այլ բաների մասին: Այդ իսկ պատճառով հրաժարվեցի «Եկեք պարենք» հեռուստաշոուի եզրափակիչ փուլին մասնակցելուց»,-ասել է նա:
Արթուր Աբրահամը հայտարարել է, որ արդեն 10 օր անց կսկսի պատրաստվել բրիտանացի բռնցքամարտիկ Կառլ Ֆրոչի հետ մենամարտին. «Ֆրոչը դեռ պետք է հանդիպի դանիացի Միկել Կեսլերի հետ: Ես այդ մենամարտում երկրպագելու եմ Կեսլերին, ոչ թե նրա համար, որ նա մենամարտելու է իմ մրցակցի հետ: Պարզապես Կեսլերը մեր թիմի` Sauerland-ի մի մասնիկն է կազմում»,-ասաց նա:
Աբրահամի առաջիկա մրցակիցը, որը նախորդ 26 մենամարտերում հաղթանակ է տարել, համոզված է, որ խնդիրներ չի ունենա դանիացի բռնցքամարտիկի հետ մարտում. «Ես հաղթել եմ Դիրելին, որը վերջերս պարտության մատնեց Աբրահամին: Սակայն «Սուպեր 6» մրցաշարում հավաքվել են բավական ուժեղ եւ հավասար հնարավորություններ ունեցող բռնցքամարտիկներ, ուստի դժվար է գուշակել, թե ինչպես կավարտվեն մնացած մրցամարտերը»:
