A
A
Ռուսաստանը հուսով է, որ հակամարտության շուրջ էմոցիոնալ ֆոնը կվերադառնա իր բնականոն հունին. Պեսկով
Աջակցիր «Ա1+»-ինՌուսաստանը հուսով է, որ Հայաստանի և Ադրբեջանի սահմանին իրավիճակը հնարավորինս արագ կկարգավորվի, և այս հակամարտության շուրջ էմոցիոնալ ֆոնը կվերադառնա իր բնականոն հունին։
Այդ մասին հայտարարել է ՌԴ նախագահ Վլադիմիր Պուտինի խոսնակ Դմիտրի Պեսկովը, գրում է РИА Новости-ն:
«Մոսկվայում և ընդհանրապես Ռուսաստանում ապրում են շատ հայեր և ադրբեջանցիներ, ովքեր ունեն ՌԴ անձնագիր, և նրանք բոլորն էլ Ռուսաստանի Դաշնության բարեխիղճ քաղաքացիներ են, նրանք բոլորն էլ հասարակության հարգված անդամներ են: Ակնհայտ է, որ հայ-ադրբեջանական սահմանին էսկալացիան չի կարող այս քաղաքացիներին անտարբեր թողնել, և, իհարկե, նրանք էմոցիոնալ կերպով ցույց են տալիս իրենց արձագանքը», - նշել է Պեսկովը:
Նա հիշեցրել է, որ ՌԴ-ն կողմերին զսպվածության ու կրակի դադարեցման կողմ է արել:
