Իրական սպառնալիքի եւ հարձակման դեպքում, Ռուսաստանը, ՀԱՊԿ-ը պարտավոր կլինեն պաշտպանել Հայաստանի տարածքը
Միջազգային «Լազարյան ակումբի» հայտարարությունը
Կովկասում իրավիճակի սրման կապակցությամբ
(ոչ պաշտոնական թարգմանություն)
НЕ ДОПУСТИТЬ ВОЙНЫ.
------------------------
Միջազգային ռուս-հայկական «Լազարյան ակումբը» մտահոգությամբ հետևում է Հայաստանի և Ադրբեջանի միջև կոնֆլիկտի բռնկման շուրջ զարգացումներին: Մենք ցավում ենք առճակատման բոլոր զոհերի համար:
Իհարկե, սահմանում տեղի ունեցած միջադեպն ունի խորքային պատճառներ, որոնցով ձևավորում է կողմերի պահվածքը: Պատմության մեջ արմատավորված թշնամական հարաբերությունները, Ռուսաստանի կայսրության և Խորհրդային Միության փլուզումը, Սումգայիթյան ջարդը և Լեռնային Ղարաբաղում պատերազմը, մեկին բերեցին հաղթանակ, մյուսին՝ ռեվանշի, վրեժխնդրության ցանկություն:
Հայաստանի շրջափակումը, ղարաբաղյան հակամարտության կարգավորման հարցում առաջընթացի բացակայությունը, այս ամենը և գումարած Կովկասի գործերին Թուրքիայի միջամտության փորձերը՝ ստեղծում են կայուն սպառնալիք տարածաշրջանի խաղաղությանը:
Ադրբեջանը մեծացնում է իր ռազմական բյուջեն, իր ռազմատենչ հռետորաբանությունը, որը բոլորովին էլ անվտանգ չէ, ինչը ցույց տվեց 2016 թվականի ապրիլին հրադադարի ռեժիմի խախտմամբ Լեռնային Ղարաբաղի հակամարտության գոտում:
Ներքաղաքական պայքարի, համաճարակի պատճառով բնակչության աղքատության, գրգռման պայմաններում, երկու երկրների (Հայաստանի և Ադրբեջանի) ղեկավարները՝ գայթակղվում են եւ օգտագործում ցանկացած առիթ ներքաղաքական կոնսոլիդացիայի համար։
Սա, հավանաբար, նաև միջադեպի խթանման պատճառներից մեկն է, որը, մեր կարծիքով, սկզբում նման չէր նախանշված գործողությունների:
Բայց հիմա ամեն ինչ կարող է ավելի լուրջ շրջադարձ ունենալ:
Մենք նկատում ենք Թուրքիայի կողմից կրակի վրա յուղ ավելացնելու ակնհայտ փորձը, իսկ նրա վերաբերմունքը Հայաստանին՝ ավելի քան հայտնի է:
Մենք կտրականապես մերժում ենք լարվածություն հրահրելու փորձերը ՝ անկախ նրանից, թե որտեղից են դրանք արձակվում: Այս առումով, անվիճելի ՛՛չեմպիոնն՛՛ այս պահին պետք է ճանաչել Ադրբեջանի այն պաշտոնյաներին, որոնք հանրորեն քննարկում են հայկական Ատոմակայանի վրա հարձակման հնարավորությունը:
Մենք համոզված ենք, որ իրական սպառնալիքի և Հայաստանի վրա զինված հարձակման դեպքում, Ռուսաստանը և ՀԱՊԿ այլ անդամներ, կատարելով իրենց պարտականությունները, պարտավոր կլինեն պաշտպանել Հայաստանի տարածքը:
Բայց մենք դեմ ենք իրադարձությունների և սցենարների այնպիսի զարգացմանը, որոնք կարող են ամբողջ տարածաշրջանը հասցնել ապոկալիպսիսի:
Մենք կոչ ենք անում Հայաստանին և Ադրբեջանին անհապաղ դադարեցնել ռազմական գործողությունները, սպառնալիքները և սկսել խաղաղ բանակցություններ:
Համոզված ենք, որ ժամանակն է, որ Երևանը և Բաքուն լրջորեն մտածեն հետագա խաղաղ գոյակցության մասին և դատարկ խոսակցությունից անցնեն երկկողմ հարաբերությունները կարգավորելու կոնկրետ քայլերի:
---------------