«Միկան» հավասարվեց «Կիլիկիային»
Աջակցիր «Ա1+»-ինԱյսօր կայացան ֆուտբոլի Հայաստանի առաջնության բարձրագույն խմբի մրցաշարի 3-րդ տուրի վերջին երկու հանդիպումները:
Աշտարակի «Միկան» սեփական դաշտում 2:0 հաշվով հաղթեց Երեւանի «Կիլիկիային» եւ վաստակած միավորներով հավասարվեց հենց նրան: Առաջին հաղթանակը տոնեց եւ առաջին միավորները վաստակեց Կապանի «Գանձասարը», որը Գյումրիում պարտության մատնեց տեղի «Շիրակին»` 1:0:
Երեք տուրից հետո մրցաշարային աղյուսակը գլխավորում են «Փյունիկն» ու «Ուլիսը», որոնք վաստակել են 7-ական միավոր: Նրանցից 1 միավորով ետ են մնում «Միկան» եւ «Կիլիկիան»: Ապա հաջորդում են «Բանանցը»` 4 միավոր, «Գանձասարը»` 3, «Իմպուլսը»` 1: Միակ թիմը, որը դեռ միավոր չի վաստակել, Գյումրիի «Շիրակն» է:
Լավագույն ռմբարկուների ցուցակը գլխավորում են «Բանանցի» ֆուտբոլիստներ Սամվել Մելքոնյանն ու Էդուարդո դո Սանթոսը, որոնք խփել են 3-ական գոլ:
