Բացել լրահոսը Փակել լրահոսը
A A

6 ոսկի, 8` արծաթ

Սպորտ

 

Երեւանի Կարեն Դեմիրճյանի անվան մարզահամերգային համալիրում ավարտվեց ՀԱՕԿ-ի հովանու ներքո անցկացվող բռնցքամարտի 1-ին միջազգային մրցաշարը:

 Եզրափակիչ մտած մեր 14 բռնցքամարտիկներից հաղթանակ տարան եւ ոսկե մեդալ նվաճեցին միայն 6-ը, իսկ ահա մնացածը բավարարվեցին 2-րդ տեղով:

 48 կգ քաշային կարգում միմյանց հետ հանդիպեցին Հայաստանի ներկայացնող Հովհաննես Դանիելյանն ու Դավիթ Հովհաննիսյանը: Բացահայտ առավելությամբ հաղթեց Դանիելյանը:

Մեր բռնցքամարտիկները ոսկե մեդալներ նվաճեցին նաեւ հաջորդ 4 քաշային կարգերում:

 Առաջինը անհաջողության մատնվեց 64 կգ քաշային Վոլոդյա Հայրապետյանը, ապա նաեւ Սամվել Մաթեւոսյանը (69 կգ): Ճիշտ է, հաջորդ քաշում ոսկե մեդալ վաստակեց կրկին մեր բռնցքամարտիկ Անդրանիկ Հակոբյանը, սակայն մնացած երեքում մերոնք դարձյալ պարտվեցին իրենց մրցակիցներին:

 Եզրափակիչ մրցամարտեր

48 կգ` Հովհաննես Դանիելյան (Ռուսաստան) - Դավիթ Հովհաննիսյան (Ռուսաստան)` 18:4

51 կգ` Դերենիկ Գիժլարյան (Հայաստան) - Արթուր Գամիդուլաեւ (Ռուսաստան)` 4:3

54 կգ` Կարեն Այլազյան (Հայաստան) - Մանվել Սարգսյան (Հայաստան)` 5:4

57 կգ` Հրանտ Եղյան (Հայաստան) - Ազատ Հովհաննիսյան (Հայաստան)` +:-

60 կգ` Արա Պուլուզյան (Հայաստան) - Ժակսալակ Իլյասով (Ղազախստան)` 5:4

64 կգ` Ալասբեկ Ալիբեկով (Ղազախստան) - Վոլոդյա Հայրապետյան (Հայաստան)` 3:1

69 կգ` Դենիս Լազարեւ (Ուկրաինա) - Սամվել Մաթեւոսյան (Հայաստան)` +0:0

75 կգ` Անդրանիկ Հակոբյան (Հայաստան) - Մաքսիմ Կոպտյակով (Ռուսաստան)` 8:4

81 կգ` Իվան Սենայ (Ուկրաինա) - Արթուր Խաչատրյան (Հայաստան)` 3:0

91 կգ` Դենիս Պոյացիկա (Ուկրաինա) - Ցոլակ Անանիկյան (Հայաստան)` +:-

+91 կգ` Բեկա Լոբժանիձե (Վրաստան) - Բագրատ Օհանյան (Հայաստան)` 8:0

 

 Նշենք նաեւ, որ մրցաշարի լավագույն թիմ ճանաչվեց Հայաստանի առաջին հավաքականը, լավագույն տեխնիկա ունեցող բռնցքամարտիկ` Անդրանիկ Հակոբյանը, մրցավար` Ռոման Մալաեւը (Ռուսաստան): Նրանց հատուկ պատրաստված գավաթներ հանձնեց ՀԱՕԿ-ի նախագահ Գագիկ Ծառուկյանը: Եզրափակիչ մրցելույթներին հետեւել է  է նաեւ Սերժ Սարգսյանը:

 Հիշեցնենք, որ մրցաշարի հաղթողների համար սահմանվել եր 5000 , 2-րդ տեղի համար` 3000, 3-րդի համար` 1000դոլար պարգեւավճար: