Հայտնի դարձան Ջերմուկի շախմատի մրցաշարի մրցանակակիրները
Աջակցիր «Ա1+»-ինՋերմուկում այսօր ավարտվեց շախմատի Ստեփան Ավագյանի հուշամրցաշարը:
Առաջին տեղը վստահ զբաղեցրեց արցախցի շախմատիստ Մանուէլ Պետրոսյանը, որը 9 հնարավորից վաստակեց 8 միավոր և բավականին ետ թողեց իր հակառակորդներին:
Երկրորդ հորիզոնականը գրավեց Հայաստանի նախկին չեմպիոն Հայկ Մարտիրոսյանը, որն առաջին տուրում միայն պարտվեց ապագա հաղթողին և վաստակեց 6,5 միավոր:
Մրցանակային եռյակը եզրափակեց 18-ամյա երևանցի գրոսմայստեր Շանթ Սարգսյանը, որը 6-րդ տուրում անսպասելի պարտվեց մրցաշարի միակ շախմատիստուհի Աննա Սարգսյանին և բավարարվեց 6 միավորով:
Մնացած տեղերը զբաղեցրից հետևյալ շախմատիստները.
- Տիգրան Կ.Հարությունյան՝ 5 միավոր
- Արման Միքայելյան՝ 4,5
- Արթուր Դավթյան՝ 4,5
- Դավիթ Շահինյան՝ 3,5
- Մամիկոն Ղարիբյան՝ 3,5
- Աննա Մ.Սարգսյան՝ 3
- Արմեն Ար. Բարսեղյան՝ 0,5
Հիշեցնենք, որ մրցաշարն անցկացվեց շրջանային մրցակարգով՝ 9 խաղափուլով: Այն ՖԻԴԵ-ի 10-րդ կարգի էր (միջին վարկանիշը` 2499.4): Կիրառվում էր Ֆիշերի ժամակարգը. 90 րոպե առաջին 40 քայլի համար, այնուհետև 15 րոպե՝ մինչև խաղի ավարտը՝ յուրաքանչյուր քայլին 30 վայրկյան հավելումով՝ սկսած առաջին քայլից: Մրցանակային հիմնադրամը կազմում էր 3000 ԱՄՆ դոլար:
