Աննա Դանիբեկյանը որոշեց չբավարարել դատախազների միջնորդությունը (տեսանյութ)

Երևանի ընդհանուր իրավասության դատարանը՝ նախագահությամբ դատավոր Աննա Դանիբեկյանի, որոշեց չբավարարել դատախազների միջնորդությունը, որով նրանք խդրել են սահմանափակել պաշտպանական կողմի՝ տարբեր տեսակի միջնորդություններ ներկայացնելու դատավարական իրավունքը։ Դատախազները գտել են, թե պաշտպանների ներկայացրած միջնորդությունները թույլ չեն տալիս նրանց ընթերցել մեղադրական ճառի եզրափակիչ մասը։

Դատավորը նշեց, որ ՀՀ քրեական դատավարության օրենսգրքում դատավարության կողմերի միջնորդություն ներկայացնելու որևէ սահմանափակում չկա, ինչպես նաև չկա համապատասխան կարգավորում։

Միջնորդության քննարկման ընթացքում տուժող կողմի ներկայացուցիչ՝ Ասլանյանը միացավ պաշտպաններին՝ խնդրելով մերժել դատախազների միջնորդությունը և այլևս չվերցնել քննարկման նման միջնորդություն։ Ավելին, հաջորդ նիստին նա պատրաստվում է բացարկ ներկայացնել մեղադրող կողմին։

Հաջորդ դատական նիստը տեղի կունենա հուլիսի 14-ին, ժամը 13։00-ին։