Հայկական կողմը չհաստատեց
Աջակցիր «Ա1+»-ինՄինսկում տեղի ունեցավ ծանրամարտի եվրոպական ֆեդերացիայի հերթական համաժողովը, որի ժամանակ որոշվեցին եւ հաստատվեցին առաջիկա մրցաշարերի անցկացման օրերը եւ վայրերը:
Այսպես, 2011 թ աշխարհի առաջնությունը կկայանա Փարիզում, իսկ Եվրոպայինը` Կազանում:
Հայաստանի ծանրամարտի ֆեդերացիան նախապես ցանկություն էր հայտնել Եվրոպայի 2011 թ երիտասարդների առաջնությունն անցկացնել Երեւանում, սակայն մեր ֆեդերացիան համաժողովին չի հաստատել այն:
Ուստի, Եվրոպայի ծանրամարտի ֆեդերացիան այժմ նոր մրցավայր է փնտրելու այդ մրցումների համար:
Հիշեցնենք,որ երեկ Բելառուսի մայրաքաղաք Մինսկում մեկնարկել է ծանրամարտի Եվրոպայի առաջնությունը (տղամարդկանց համար 89-րդ անգամ, կանանց համար` 23-րդ անգամ): Հայաստանի ներկայացուցիչ Սմբատ Մարգարյանը երեկ արծաթե մեդալ նվաճեց երկամարտում, ոսկե` հրում վարժությունում:
Վաղը պայքարի մեջ կմտնի մեր մարզուհի, 69 կգ քաշային Մելինե Դալուզյանը, իսկ ապրիլի 8-ին` Տիգրան Գ. Մարտիրոսյանը (77 կգ):
