Բողոքի ցույցեր Իսպանիայում` ընդդեմ կառավարության
Աջակցիր «Ա1+»-ինԱմերիկայի ձայն
Իսպանիայի ծայրահեղ աջթեւային Վոքս կուսակցության մի քանի հազար անդամներ իրենց ավտոմեքենաներով եւ մոտոցիկլետներով շաբաթ օրը հավաքվել են Մադրիդի կենտրոնում ու մի շարք այլ քաղաքներում` բողոքելով ընդդեմ կորոնավիրուսի տարածումը կանխելու պայքարում երկրի կառավարության բացթողումների:
Վոքսը բողոքի մասնակիցներին կոչ է արել բողոքն անցկացնել ավտոմեքենաներով, որպեսզի շրջանցեն սոցիալական հավաքների արգելքի մասին որոշումը: Կուսակցությունն այս բողոքի ակցիան անվանել է ‘’Իսպանիայի եւ ազատության համար քարավան’’:
Սակայն եղել են նաեւ մարդիկ, ովքեր ցույցերին են մասնակցել առանց մեքենաների: Որոշ մասնակիցներ նաեւ անտեսել են միմյանցից երկու մետր հեռավորութուն պահպանելու կանոնները:
Ցույցեր են անցկացվել նաեւ Բարսելոնում, Սեւիլում ու մարզային մի շարք այլ մայրաքաղաքներում:
Կորոնավիրուսից Իսպանիայում մինչ այժմ մահացել է 28 հազար մարդ: