Վերջին տեղում
Աջակցիր «Ա1+»-ինՀայաստանի աթլետ Արսեն Սարգսյանն իր հնարավորություններից շատ ցածր հանդես եկավ:
Դոհայում տեղի ունեցած աթլետիկայի 2010 թ աշխարհի ձմեռային առաջնությունում Հայաստանի միակ մասնակից, հեռացատկորդ Արսեն Սարգսյանը բավական անհաջող հանդես եկավ եւ չկարողացավ մտնել եզրափակիչ փուլ:
Մեր մարզիկը, որն ընդգրկվեց ընտրական «Ա» խմբում, առաջին փորձի ժամանակ ցատկեց 7,42 մ, երկրորդին 0 ստացավ, իսկ երրորդին ցույց տվեց 7,45 մ արդյունք: Արսեն Սարգսյանը 13 մասնակիցների մեջ զբաղեցրեց վերջին տեղը եւ, ինքնին, դուրս մնաց հետագա պայքարից:
Հարկ է նշել, որ մեր մարզիկն իր հնարավորություններից շատ ցածր հանդես եկավ, քանի որ Դոհայում նրա ցույց տված արդյունքը վատագույն էր վերջին 5 տարվա մեջ:
Նշենք, որ հեռացատկում աշխարհի չեմպիոնի կոչումը նվաճեց ավստրալացի Ֆաբրիս Լապիեռը` 8,17 մ արդյունքով:
