Բանկերի կողմից կազմակերպություններին օժանդակելու շուրջ 200 հայտ բավարարվել է. Անդրանիկ Գրիգորյան (տեսանյութ)
Աջակցիր «Ա1+»-ինԿենտրանական Բանկի Ֆինանսական կայունության դեպարտամենտի տնօրեն Անդրանի Գրիգորյանը նշում է, որ դեռևս 2019 թվականի վերջին ֆինանսական համակարգը բավական հաջող տարի է փակել․ և 2020 թվականը, մինչև կորոնավիրուսի ի հայտ գալը, բավական լավ տեմպերով է սկսվել, ինչը բավական լավ հիմք է, որպեսզի համակարգը օգնի տնտեսությանը դուրս գալու կորոնավիրուսային ճգնաժամից:
«Մարտի սկզբից, երբ կային նշույլներ, որ կորոնավիրուսը կարող է ունենալ ազդեցություն, ԿԲ-ն ֆինանսական համակարգի հետ սկսեց ամենօրյա շփումներ և քննարկումներ՝ մեղմելու տնտեսության վրա ճգնաժամի ազդեցությունը: Կնտրոնական բանկը աշխատեց բանկերի հետ, և նրանք հայտարարեցին, որ բոլոր ծրագրային, հիփոթեքային, միջազգային ծրագրով բիզնես վարկերը վերանայվեն և 6 ամսով հետաձգեն, ինչը կտա հնարավորություն կուտակել կանխիկ միջոցներ: Այս ամենը իրականացվեց պայմանով, որ հաճախորդները չպետք է ունենան վարկային պատմության խնդիրներ» :
Անդրանիկ Գրիգորյանը հորդորեց Ֆինանսականն համակարգի հաճախորդներին շարունակել մնալ տանը և ֆինանսական ծառայություններն իրականացնել առցանց հարթակի միջոցով, քանի որ բոլոր բանկերը ունեն օնլայն ռեժիմով աշխատելու հնարավորություն: Իսկ եթե հաճախորդները չունեն փորձ կամ հավելվածներ, կարող են զանգել ֆինանսական կազմակերպությունների թեժ գծին, և աշխատակիցները կօժանդակեն հաճախորդներին:
Նա նշեց, որ կառավարության առաջարկած օժանդակության ծրագրերը հնարավորություն են տալիս կազմակերպություններին լրացնելու բացը, և նկատվում է կազմակերպությունների կողմից մեծ ակտիվութուն:
«Օժանակության ծրագրերը տարբերակներ ունեն: Կան համաֆինանսավորման, վերաֆինանսավորման, սուբսիդավորման ծրագրեր, որոնք լավ հնարավորություններ են ստեղծում կազմակերպությունների համար: Ծրագրերի միջոցով այն կազմակերպություններն ու ընկերությունները, որոնք ստիպված հարկադիր պարապուրդի են ուղարկել իրենց աշխատակիցներին, կկարողանան աշխատավարձ վճարել, կամ եթե ունեն նոր նախաձեռնումներ՝ հումքի ձեռքբերման և հարկերի վճարման, կարողանան իրենց աշխատանքը կազմակերպել: Ծրագրերին դիմել են ավելի քան 800 կազմակերպություններ: Բանկերի կողմից կա բավարարված շուրջ 220 հայտ, որի ընդհանուր ծավալը կկազմի 10 մլրդ դրամ, ինչը լավ ցուցանիշ է այս դեպքում»,- ընդգծեց նա:
