Հնարավորություն ունենք ջարդելու վարակի ողնաշարը․ վարչապետ (տեսանյութ)
Աջակցիր «Ա1+»-ինԱռաջին անգամ կորոնավիրուսի հաստատված դեպքերը կրկնակի պակաս են առողջացած դեպքերից։
Այս մասին ֆեյսբուքյան ուղիղ եթերում ասաց վարչապետ
Նիկոլ Փաշինյանը։ Նա նշեց՝ ունեցել ենք 54 առողջացման նոր դեպք:
Նրա խոսքով՝ այս վիճակագրությունը մեզ թույլ է տալիս ասելու, որ հնարավորություն ունենք ջարդելու վարակի ողնաշարը, և շատ կարևոր է յուրաքանչյուրի պատասխանատվությունը:
«Գիտեք, որ պարետատան նոր որոշման շրջանակներում մենք տասնյակ հազարով մարդկանց թույլ ենք տվել վերադառնալ աշխատանքի, և կարևոր է գործատուների պատասխանատվությունը։ Թե ինչքանով են իրենք ապահովում պայմաններ իրենց աշխատակիցների վարակման վտանգը նվազագույնին հասցնելու համար: Կոչ եմ անում գործատուներին ձեռնարկել առանձնահատուկ հակահամաճարակային միջոցառումներ, որ վերջին օրերի դրական դինամիկան պահպանենք, և համաճարակի պիկը լինի թիկունքում։ Հատկապես, որ եղանակները լավանում են, և մասնագետների գնահատմամբ՝ դա կարող է դրական ազդեցություն ունենալ»:
Նիկոլ Փաշինյանը նշեց, որ պարետատունը հանդես կգա կոնկրետ խորհրդատվությամբ և առաջարկություններով, թե ինչ միջոցառումներ պետք է իրականացվի՝ գործատուների կողմից վարակի կանխարգելման համար:
