Արմեն Նազարյանը առաջինն է
Աջակցիր «Ա1+»-ինՀայաստանի ձյուդոիստ Արմեն Նազարյանը հաջող հանդես եկավ Չեխիայի մայրաքաղաք Պրահայում ընթացող աշխարհի գավաթի հերթական փուլում եւ 66 կգ քաշային կարգում հաղթող ճանաչվեց:
Մեր մարզիկը եզրափակիչ տանող ճանապարհին հերթով հաղթեց կիպրոսցի Սոտիրիս Խարալամբուսին, իտալացի Ֆրանչեսկո Ֆարալդոյին, ղազախ Դաստան Իկիբաեւին, ֆրանսիացիներ Մաքսիմ Լե Գոանվիշին եւ Դավիդ Չուկեւիչին: Եզրափակիչում նրա մրցակիցն էր վերջիններիս հայրենակից Ֆլորան Ուրանին: Արմեն Նազարյանը հաղթելով ֆրանսիացի երրորդ ձյուդոիստին, գրավեց առաջին տեղը եւ նվաճեց ոսկե մեդալ:
Այս քաշային կարգում մեր մյուս մարզիկը` Համբարձում Տոնոյանը, արդեն առաջին մրցամարտում պարտվեց լեհ ձյուդոիստ Պավել Զագրոդնիկին եւ դուրս մնաց պայքարից:
73 կգ քաշային կարգում հանդես եկող Արտյոմ Բաղդասարյանը հաղթահարեց առաջին երկու փուլերը` պարտության մատնելով համապատասխանաբար ուկրաինացի Արտյոմ Վասիլենկոյին եւ Թուրքիայի ներկայացուցիչ Թանջու Սորլիին: Ավաղ, 1/8 եզրափակիչում նա զիճեց գերմանացի Քրիստոֆեր Վոլեկին, որն էլ իր հերթին պարտվեց ֆրանսիացի Ռոնալդ Ալժերին: Այդպիսով, Արտյոմ Բաղդասարյանը նույնիսկ սփոփանքի մարտեր անցկացնելու հնարավորություն չստացավ:
Այսօր պայքարի մեջ կմտնի մեր չորրորդ ներկայացուցիչը` Հակոբ Առաքելյանը, որը հանդես կգա 100 կգ քաշայինների մրցաշարում:
