Որտե՞ղ են մնում անօթեւանները, երբ պահանջն է մնալ տանը
Աջակցիր «Ա1+»-ին2019թ տվյալներով՝ Հայաստանում 300 անօթևան է հաշվառված։ Նրանցից 100-ը բնակվում է Աշխատանքի և սոցիալական հարցերի նախարարության Անօթևանների կացարանում։ 200-ը ապրում են Երևանում ՝ բաց երկնքի տակ։
Աշխատանքի և սոցիալական հարցերի նախարարի մամուլի խոսնակ Սոնա Մարտիրոսյանի խոսքով՝ սրանք ստույգ տվյալներ չեն։ Նախարարությունը անօթևան անձանց հաշվառում չի իրականացնում, տվյալները հաշվարկել են տարբեր աղբյուրներից ստացված ինֆորմացիայի հիման վրա:
Ըստ նրա՝ դեռ մինչև արտակարգ դրության հայտարարումը՝ փետրվարի 27-ից արդեն Անօթեւանների կացարանում կարանտին էր հայտարարված, քանի որ կացարանի բնակիչները խոցելի խմբում են:
Ինչպե՞ս են կորոնավիրուսային հիվանդությամբ պայմանավորված արտակարգ դրության օրերին ապրում մյուս 200-ը։
Նախարարությունում հստակ տեղեկատվություն չունեն, միայն տեղյակ են, որ նրանցից մի քանիսը ստացել են բնաիրային աջակցություն:
Սոնա Մարտիրոսյանը ներկայացրեց՝ անօթևանների վերահսկողության մեխանիզմը․
«Ոստիկանությունը ճշտում է՝ մարդը անօթևան է,թե ոչ, ահազանգում է համայնքային սոցաջակցության ծառայություն, սոցաշխատողը սկսում է դեպքի վարում, արձանագրում է, որ մարդը խոցելի խմբի անդամ է, փորձում ենք իրենց մեր հաստատություններից որևէ մեկում տեղավորել»:
Նա նաեւ փոխանցեց, որ արտակարգ իրավիճակի պայմաններում կոնկրետ անօթևանների հետ աշխատանքը փոփոխություն չի կրել, որովհետև նրանք միշտ համարվում են խոցելի խումբ:
Որտե՞ղ են մնում անօթեւանները, երբ բոլորին հորդորում են մնալ տանը։ Ի՞նչ է անում այս դեպքում ոստիկանությունը․ «Ա1+»-ի հարցադրմանն ի պատասխան ոստիկանությունից հորդորեցին դիմել պարետատուն:
Այստեղ էլ ասացին՝ առանձին ծրագիր չի իրականացվում, անօթևաններով, ինչպես եւ նախկինում, զբաղվում է Աշխատանքի և սոցիալական հարցերի նախարարությունը: