Էդուարդ Վարդանյանը ամերիկացիներին խորհուրդ է տվել հետաձգել Նուրմագոմեդով - Ֆերգյուսոն մենամարտը
Աջակցիր «Ա1+»-ինԽառը մենամարտերի հայազգի մարզիկ Էդուարդ Վարդանյանը մեկնաբանել է Խաբիբ Նուրմագոմեդով - Տոնի Ֆերգյուսոն մենամարտի շուրջ ստեղծված բարդ իրավիճակը:
«Արժե՞ մենամարտն անցկացնել առանց Հաբիբի: Դա պետք է հարցնել կազմակերպիչներից: Նրանք ավելի լավ գիտեն իրենց բիզնես մասին:
Ճիշտը մենամարտի հետաձգումն է, քանի որ ԱՄՆ-ում նույնպես տարածված է կորոնավիրուսը: Կարծում եմ, որ մրցամարտը պետք է անցկացնել համաճարակի ավարտից հետո, երբ լարվածություն չի լինի և երկրպագուները հանգիստ կարող են այցելել մարզադահլիճ», - ասել է հայ մարզիկը:
Հաբիբ Նուրմագոմեդով - Տոնի Ֆերգյուսոն մրցամարտը նախատեսված է ապրիլի 18-ին: Ռուսաստանցի մարզիկը, որն այժմ մարզվում է հայրենի Դաղստանում, չի կարող մեկնել ԱՄՆ, քանի որ Ռուսաստանը մարտի 30-ից փակել է բոլոր սահմանները:
Լուրեր են պտտվում, որ մենամարտի կազմակերպիչները համաձայնության են եկել ԱՄՆ նահանգներից մեկի հետ այդ օրը նախատեսված բոլոր մենամարտերն անցկացնելու համար: Այժմ նրանց մնում է միայն նոր մրցակից գտնել Տոնի Ֆերգյուսոնի համար: