Արտյոմ Բաղդասարյանը` 1/4 եզրափակիչում
Աջակցիր «Ա1+»-ինՀայաստանի ձյուդոիստները անհաջող հանդես եկան գերմանական Դյուսելդորֆում տեղի ունեցած գրան-պրիի մրցաշարում:
Մեր 5 մասնակիցներից միայն 73 կգ քաշային Արտյոմ Բաղդասարյանին հաջողվեց հաղթահարեց խմբային արգելքը եւ մտնել 1/4 եզրափակիչ: Այս փուլում նա պարտություն կրեց եւ չկարողացավ գոնե բրոնզե մեդալ նվաճել:
66 կգ քաշային կարգում հանդես եկած Արմեն Նազարյանն ու Համբարձում Տոնոյանը, ինչպես նաեւ Ռոբերտ Վարդանյանը (73 կգ) եւ Հակոբ Առաքելյանը (100 կգ) պարտվեցին իրենց առաջին մրցամարտերում եւ դուրս մնացին հետագա պայքարից:
Այժմ մեր մարզիկները ձյուդոյի Հայաստանի հավաքականի գլխավոր մարզիչ Արթուր Գեւորգյանի ղեկավարությամբ ուսումնամարզական հավաք են անցկացնում նույն Դյուսելդորֆում, իսկ փետրվարի 26-ին նրանցից երեքը` Արմեն Նազարյանը, Համբարձում Տոնոյանը եւ Արտյոմ Բաղդասարյանը կմեկնեն Չեխիայի մայրաքաղաք Պրահա, որտեղ փետրվարի 27-28-ը կմասնակցեն աշխարհի գավաթի անհատական խաղարկությանը:
