Բացել լրահոսը Փակել լրահոսը
A A
Հասարակություն

Վաղվանից Վրաստանն ամբողջությամբ դադարեցնում է ավիահաղորդակցությունը

http://jnews.ge/

Վրաստանում մարտի 21-ից օդային ծառայություններն ամբողջությամբ կդադարեցվեն: Կորոնավիրուսների հարցերով համակարգող խորհրդի նիստի ավարտին այս մասին ասել է վարչապետի խորհրդական Իրակլի Չիքովանին:

«Որոշվել է, որ մարտի 21-ից ամբողջությամբ դադարեցվում է ավիահաղորդակցությունը և կիրականացվեն միայն այն չվերթները, որոնք գործարկում են «Վրացական ավիաուղիներ» ընկերությունը և համաձայնեցված են Վրաստանի կառավարության հետ: Յուրաքանչյուր քաղաքացի, ով մուտք է գործում Վրաստան, անկախ նրանից, թե որ երկրից է գալիս, տեղափոխվելու է կարանտինային գոտի», — ասել է Չիքովանին:

Մինչ այս՝ մարտի 18-ից, Վրաստանը երկու շաբաթ փակել է սահմանը օտարերկրացիների համար, չնայած վարչապետի խորհրդական Իրակլի Չիքովանին ասում է, որ Վրաստանի քաղաքացիները, ովքեր ցանկանում են տուն վերադառնալ, կկարողանան վերադառնալ «Վրացական ավիաուղիներ» ընկերության օգնությամբ: Ըստ նրա հայտարարության, Վրաստանի քաղաքացիների ընտանիքի անդամները կունենան նույն հնարավորությունը: