Մենք քայլ առ քայլ մոտենում ենք այն Հայաստանին, որը երազում էր Վ․ Սարգսյանը․ Սասուն Միքայելյան (տեսանյութ)
Աջակցիր «Ա1+»-ինՄենք ձգտում ենք ապրել այն Հայաստանում, որ ինչպես Վազգենն էր նշում՝ մեր ժողովուրդը կարողանա անառիկ պահի մեր սահմանները, ունենանք հզոր տնտեսություն և հզոր բանակ․ այսօր՝ Վազգեն Սարգսյանի ծննդյան օրը, Եռաբլուրում նշեց ԵԿՄ նախագահ Սասուն Միքայելյանը։
«Մենք քայլ առ քայլ մոտենում ենք այն Հայաստանին, որը երազում էր Վազգեն Սարգսյանը և մեր ժողովուրդը»։
Անդրադառնալով Արցախի Հանրապետության պաշտպանության նորանշանակ նախարար Ջալալ Հարությունյանին նշեց․
«Նա շատ լուրջ զինվորական է։ Ամեն մարդ պետք է իր գործին ունակ լինի, որ կարողանա իր բնագավառը ղեկավարի»։
Անդրադառնալով Արցախի սահմանին Սասուն Միքայելյանը նշեց, որ այս պահին լարվածություն չկա, սակայն պետք է զգույշ լինել, հաշվի առնելով այն ինչ կատարվում է աշխարհում,
«Այսօր ԵԿՄ-ն պետք է ավելի համախմբվի, որ առաջին իսկ ոտնձգության դեպքում կարողանանք պահպանել մեր երկրի սահմանները։ Մեր օրակարգում եղել է քննարկում ԵԿՄ-ի գործելաոճի փոփոխության մասին, սակայն առայժմ չեմ ուզում փակագծեր բացել։ Երկրապահը պետք է լինի ռեզերվային լուրջ ուժ բանակի թիկունքում»։
