Հարցվածների մեծ մասը կարծում է, որ կոռուպցիան չարիք է․ Հեղինե Մանասյան (տեսանյութ)
Աջակցիր «Ա1+»-ինԻ՞նչ են ցույց տալիս «Հայաստանի տնային տնտեսությունների շրջանում կոռուպցիայի վերաբերյալ հանրային կարծիքի հետազոտություն 2019» ուսումնասիրության արդյունքները։
«Հետազոտական ռեսուրսների կովկասյան կենտրոն-Հայաստան»-ի հետազոտությունների և զարգացման տնօրեն Հեղինե Մանասյան «Ա1+»-ի հետ զրույցում ասաց, որ հետազոտությունն հանրային կարծիքի ուսումնասիրություն է ամբողջ Հայաստանով, իսկ հարցմանը մասնակցել է 1500 քաղաքացի։
«Պատասխանել է 60-ից ավելի հարցերի՝ գնահատելով կոռուպցիայի իր ընկալումները, պետական կառույցների կոռումպացվածության աստիճանը, փոփոխությունները, որոնք վերջին տարիներին տեղի են ունեցել այդ ոլորտում»,- նշեց Մանասյանը։
Ըստ փորձագետի՝ գործող իշխանությունները մեծ ուշադրություն են դարձնում հակակոռուցիոն քաղաքականությանը։ Մանասյանն ասաց, որ հարցումներն իրականացվել են պատահական ընտրությամբ, դեմ առ դեմ զրույցների միջոցով, օգտագործվել է թաբլեթ, և տվյալները վերլուծվել են։
Հարցվածներից մոտ 500-ը եղել են Երևանից, իսկ այպիսի հարցում վերջին անգամ արվել էր 10 տարի առաջ։
«Մեր ստացած տվյալներով՝ մարդկանց մեծ մասը կարծում է, որ կոռուպցիան չարիք է, որ դա պետք է վերացնել։ Բայց երբ որ գալիս է, թե ինքն առերեսվի կոռուպցիոն դեպքի հետ, արդյոք կդիմի՞ որևէ մարմնի, թե՞ ոչ, արդեն միանգամից նրանց տեսակարար կշիռը (ովքեր կդիմեին) նվազում է»,- ընդգծեց կենտրոնի ներկայացուցիչը։
Մանրամասները` տեսանյութում: