Ըմբշամարտի ԵԱ. Հայ ըմբիշները կպայքարեն միայն բրոնզե մեդալների համար
Աջակցիր «Ա1+»-ինՀռոմում ընթացող Եվրոպայի առաջնությունում Հայաստանի ազատոճային ըմբիշները դուրս մնացին չեմպիոնական մրցապայքարից:
Ինչպես արդեն տեղեկացրել էինք, այսօր մեր երեք ըմբիշները մտել էին կիսաեզրափակիչ և լավ շանս ունեին մտնելու եզրափակիչ: Սակայն նրանք բոլորն էլ պարտություն կրեցին այդ փուլում
Եվրոպայի գործող չեմպիոն Արսեն Հարությունյանը 61 կգ քաշային կարգում հավասար պայքարում զիջեց Ռուսաստանի ներկայացուցիչ Ալեքսանդր Բոգոմոևին՝ 6:6: Մեր մարզիչները բողոքարկեցին մրցամարտը՝ սակայն այն չընդունվեց:
Կիսաեզրափակիչում պարտություն կրեցին նաև Մարզպետ Գալստյանն (92 կգ) ու Լևան Բերիանիձեն (125 կգ), որոնք խոշոր հաշվով զիջեցին իրենց մրցակիցներին՝ համապտասխանաբար Սամուել Շերերին (Շվեյցարիա) ու Ռոբերտ Բարանին (Լեհաստան):
Այդպիսով, մեր այս ըմբիշները, ինչպես նաև սփոփիչ մրցաշարին մասնակցելու իրավունք ստացած Հովհաննես Մխիթարյանը, վաղը պայքար կմղեն բրոնզե մեդալների համար: