«Չենք իմանում՝ ի՞նչ անենք, վառե՞նք, ջարդե՞նք էդ մեքենաները» (տեսանյութ)
Աջակցիր «Ա1+»-ինԱվտոներկրողները պահանջում են հայտարարագրել իրենց մեքենաները, որոնց մի մասը ներկրվել է, բայց չի հասցրել հայտարարագրվել, մի մասն էլ մնացել է սահմանից դուրս և չի հասցրել ո՛չ ներկրվել, և ո՛չ հայտարարագրվել։
Կառավարության շենքի մոտ բողոքի ակցիայի մասնակիցները ցանկանում էին տեսնել փոխվարչապետ Մհեր Գրիգորյանին՝ պարզաբանում ստանալու Բագրատաշենում կուտակված 300-400 մեքենաների հայտարարագրման և Հայաստան ներկրված, բայց չհայտարարագրված մեքենաների համար։
«Դեկտեմբերի 26-ից ցանկացել ենք, որ հայտարարագիր գրենք, որ մինչև հունվար մեքենաները ներկրենք։ Հիմա մեքենաները կան, բայց քանի որ հայտարարագիր չունեն, չենք կարողանում մաքսազերծել»,-ասում է ակցիայի մասնակից Գեղամ Մանուկյանը։
«Կամ թող ԵԱՏՄ-ն ոչնչանա, կամ թողնեն, որ և՛ ներկրենք, և՛ արտահանենք, մենք ցանկանում ենք, որ կառավարությունը հարցը բարձրացնի»,- ասում է Ավտոներկրողների միության նախագահ Տիգրան Հովհաննիսյանը։
«Չենք իմանում՝ ինչ անենք, վառե՞նք, ջարդե՞նք էդ մեքենաները։ Սաղս վարկերի տակ ենք, ոչ մեկ մեքենա չի բերել, որ վաճառի, հասկացող, չհասկացող բերել են։ Հիմա պետք ա էդ ելքը գտնեն, որ ժողովրդին էս իրավիճակից հանեն»,- ասում է ակցիայի մասնակիցներից մեկը՝ ակնկալելով կառավարության արձագանքը։
Մանրամասները՝ տեսանյութում։
