Հայկականը շատ թունդ է․բրենդ-ամբասադոր
Աջակցիր «Ա1+»-ինՄի թափահարեք բաժակը, այդպես չեք զգա կոնյակի իրական համը,- HENNESSY տան բրենդ-ամբասադոր Գիյոմ դը Գիտոն նկատողություն է անում սեղանի մյուս ծայրից։ Նա Երեւանում մի խումբ լրագրողների հրավիրել է ՝ ծանոթացնելու կոնյակի օգտագործման մշակույթին, ծեսին, համտեսման կանոններին:
Համտեսի համար Գիյոմ դը Գիտոն ընտրել է կոնյակը գնահատողների շրջանակում ամենահայտնի HENNESSY կոնյակները՝ V.S. (Very Special), V.S.O.P. (Very Superior Old Pale) և X.O. (eXtra Old)։ Լրագրողները համտեսից հետո տպավորությամբ են կիսվում։ Բրենդ-ամբասադորը ողջունում է ցանկացած կարծիք, նույնիսկ եթե այն շատ հեռու է կոնյակի իրական համի նկարագրությունից։ Ասում է՝ որ իր ընկերությունում վեց հոգի են ընտրված որպես համտեսի մասնագետներ։ Ամեն առավոտ ժամը 11-ին նրանք հավաքվում են եւ խմում տարբեր խառնուրդներ եւ նրանց մասնագիտական կարծիքը դառնում է վճռորոշ՝ կոնյակի նոր տեսակը շուկայում հայտնվելու համար։
Ի դեպ, ընկերությունը օգտագործում է միայն Կոնյակ քաղաքում աճեցվող խաղողի սորտերը։ Հիշեցնենք, որ տան հիմնադիր Ռիչարդ Հենեսին է աշխարհին նվիրել «կոնյակ» խմիչքը եւ այս տան շնորհիվ է, որ «կոնյակ» բառը սկսվեց շրջանառվել ոչ միայն որպես քաղաքի անվանում, այլեւ խմիչք։
Նշենք, որ Գիյոմ դը Գիտոն նաեւ համտեսել է հայկական կոնյակ։ Ասում է, որ ֆրանսիականի համեմատ հայկականն ավելի թունդ է , եւ միանգամից բացատրություն է տալիս․ երեւի խաղողի տեսակից է։