Արսեն Խառատյանն ընդդեմ Նարեկ Մալյանի հայցադիմումը վարույթ է ընդունվել

Վարչապետ Նիկոլ Փաշինյանի նախկին խորհրդական Արսեն Խառատյանի հայցն ընդդեմ նախկին ոստիկանապետ Վլադիմիր Գասպարյանի նախկին խորհրդական Նարեկ Մալյանի դատարանը վարույթ է ընդունել։ Այս մասին իր ֆբ էջում տեղեկացնում է Խառատյանը։

Հայցվորը պահանջում է Մալյանին պարտավորեցնել հրապարակային ներողություն խնդրել և զրպարտություն հանդիսացող տվյալները հրապարակայնորեն հերքել:

Խառատյանը իր էջում գրել է․ «Գործող դատարանների պայմաններում, փորձելու ենք հասնել արդարության, ապրենք կտեսնենք»։

Նիստի օրը դեռևս հայտնի չէ։